Liniemontørit nutaat qulingiluat
Nunarput ullumi liniemontørinik qulingiluanik pisuunnguallappoq.
Nunatsinni telefon-ilerisutut tassalu telefonmontør-itut ilinniartitaaneq 1981-imi Aasianni aallartinneqarpoq, maannamullu ilinniartoqatigiit holdit 10-it ilinniarsimalerput, taamaalillutik katillugit montørit 90-it linniarnerminnik naammassinnissimallutik.
Taakkunannga maanna 53-it TELE-POST-imi telefonilerinermik suliaqarput, ilai immikkoortortaqarfinni pisortatut, centralmekaniker-itut, driftkoordinator-itut (ingerlatsinermi aaqqissuussisutit), liniemontør-itullu.
Teknikkikkut ineriartorneq ilutigalugu montøritut ilinniartitaaneq aamma ineriartortinneqartuarsimavoq. Aallaqqaammut ilinniartitaaneq annermik ledninginik kabelinillu katiterinernik, telefonit aqqutaannik ikkussuinernik, ajoqutaasinnaasunillu iluarsaassinernik il.il. imaqartinneqarpoq. Maannali annermik attaveqaatit aqqutaannik (pilersaarusiornernik), kallerup inneranut tunngasunik ilinniarnermik, fysik/kemi-mik, qarasaasialerinermik, dankortit, ISDN, ADSL allallu aalajangersimasut pillugit ilinniarnernik imaqalersimapput.