2008 - takornariaqarnermi ukiutsialak
Kujataani takornarialerisut nutarterillutillu suliaminnik amerlisaaleruttortut, umiarsuit takornariartaatit Nuummut aappaagu tikittussat ukioq mannamut naleqqiullugit marloriaatinngussapput.
Nuuk Tourism-imeersup, Grace Julianne Nielsenip, nalunaarutigaa umiarsuit takornariartaatit 21-t 32-riarlutik Nuummut tulannissartik nalunaarutigereersimavaat, taakkualu saniatigut suli tulattussat sisamaniit arfinilinnut ilasinnaaneri ilimanarsinnaallutik, KNR radioavis nalunaarpoq.
Takornariat umiarsuarnik Nuummut aasaq tikittut 8.232-usimapput, 2008-milu aasakkut takornarissat umiarsuarnik tikittussat 15.000-it missaaniissangatinneqarlutik.
Kujataani takornarialerisut suliaminnik aamma annertusaallutillu nutarterillutik ulapputileruttorput.
Narsaq Tourist Office namminneq allaffeqarfissaminnut inississipput, Narsamilu angallat takornarianik angallassisussaq angallassisinnaanermut akuersissummik tunineqareerpoq.
”Blue Ice Explorer”-ip Igalikumi vandrehjemmi pigilerpaa, illuaqqanillu arlalinnik aamma peqalerlutik.
Hotel Qaqortoq iluarsarneqareerpoq nutarterneqareerlunilu, Qaqortoq Turistforeningi privatinut tuniniarneqarnialeruttortoq.
Allatut oqaatigalugu taarsuup nalaani takornarniat aasamut tikerarnissaannut piareersartoqaleruttorpoq.