Perorsaasut nutaat 16-it

Nunarput perorsaasunik nutaanik 16-inik, soraarummeeramik agguaqatigiissillugu 9,1-nik karaktereqartunik pisuunnguallappoq.

Perorsaanermik Ilinniarfimmi perorsaasunngortut nutaat 16-t sisamanngorneq decemberip 13-ani 2007 nal. 10:00 allagartartaartinneqassapput

Ukiut 3½ ilinniareersimallutik, marlunnillu sungiusaammik suliffeqarsimallutik naammassilluarlutik angusarissaaqalutillu perorsaasunngortut 16-t allagartartaassapput.

Perorsaasunngortut naggataarutaasumik soraarummeernerminni agguaqatigiissillugu 9,1 angusarisimavaat, taamaammat perorsaasunngorlaat pikkoreqisut piginnaasaqarluaqisullu Perorsaanermik Ilinniarfiup Kalaallit Nunaanni inuiaqatigiinnut iluaqutissanngorlugit ammaappaat, inuiaqatigiinni perorsaasut amingaataasut maannakkut 300-t sinneqarput.

Powered by Labrador CMS