Taarsigassarsinaveersaarit
Ukiuni kingullerni pisiniarfiit taarsigassarsisinnaaneq neqeroorutigisalersimavaat. Tamannalu inunnut aningaasatigut akisusinnaavoq, ilaatigullu pisiaq marloriaammik akeqalersinnaasarluni.
Annonse
Atuisartunut siunnersuisoqarfimmi siunnersorti Steffen Lynge KNR Radioaviisip aperaa ajornannginaaraluni taarsigassarsisarneq sutigut mianersorfissaqarnersoq.
- Inuit siunnersorusuppavut, aningaasanik attartortakkanik atortinnatik paasiniaalluaqqaasasut saniatigut aningaasanik qanoq annertugisumik ernianik akiliisanerlutik. Inuillu siunnersorusuppavut aningaasanik asuli atorniaannavillutik atussanngitsut. Atuisartut kajumissaarusuppavut bankiminni attartoqqullugit, pissutigalugu bankini siunnersorneqarsinnaagamik kiisalu banki isumannaanerummat, Steffen Lynge oqarpoq.
Qanorooq nalunaarpoq Pisiffik Pisattani taarsigassarsisoqarsinnaasoq.