Nuummi angerlarsimaffeqanngitsunut unnuisarfik

Inissiat nutaat marluk tunniunneqannginneranni Pilutaq Nuummiittoq angerlarsimaffeqanngitsunut unuisarfinngussaaq.

Nuummi isumaginninnermut ingerlatsiviup ataani suleqatigiissitap Pilutaq suleqatigalugu aalajangerpoq angerlarsimaffeqanngitsunut unnuisarfissaaq 2007-imi tallimanngorneq decembarip 14-ianiit 2008-mi jannuaarip 31-iata tungaanut ammarniarlugu, taamanikkussamut angerlarsimaffeqanngitsunut unnuisarfissamut inissiat tunniunneqarnissaat neriuutigineqarluni.

Unnuisarfik piffissaq taanna naallugu nal. 22-imiit 08-mut ullut tamaasa ammasassaaq, taamaallaat juulliaqqami unnukut ukiortaallu unnuaani matoqqassalluni.

Taamaalilluni siullermeerluni ammassaaq tallimanngorneq decembarip 14-iat nal. 22. Isumaginninnermi ingerlatsivimmiit unnukkut ammarnissaa ullaakkullu matusarnissaa isumagineqassaaq, taamaalilluni Pilutamik atuisartusartunit atorneqarnissaanut piareertassammat.

Illoqarfimmi angerlarsimaffeqanngitsut tamarmik tikilluaqquneqarput. Kisianni inunnut quliinnarnut inissaqarallarpoq, taamalu aamma neqeroorut atorneqarsinnaalertinnagu illumi atuinissamut malittarisassat malinneqartariaqarput.

Powered by Labrador CMS