Nuummi katersortarfik nutaaq
Nuummi katersortarfik, nutaamik katersortarfittaarnissaq anguniarlugu aningaasanik katersivoq.
Nuummi Katersortarfiutileqatigiit siulittaasuat Gunnar Petersen, aamma ukiuni kingullerni marlunni nakkutilliisuusoq, oqaluttuarpoq siulersuisut maanna anginerusumik nutaamik katersortarfittaarnissamut katersuileruttortut. Neriuppoq 2008-p naannginnerani aallaqqaatissatut akiliutissatik katersoreersimassallugit, taamaalillutik sanaartortinnissaanut pisortanit tapiiffigineqarsinnaalissagamik.
Illup anginerusup sanaartortinnissaa neriuutigaat, aamma meeqqanut inuusuttunullu inissaqartitsisinnaasoq, igaffik anginerusoq kantiinartalik kalaaliminernik sassaallerfiusinnaasoq. Aamma peqatigiiffinnut assigiinngitsunut inimik attartorusuttunut inissaqartitsinissaq neriuutigaat. Maannakkut Nuummi Illerfissarsiuutileqatigiit katersortarfimmi allaffeqarput, aamma naasunik tassani tuniniaaveqartut, Nuup Kommuneata tusagassiivia nalunaarpoq.