Nuup Kommunea eqaallisaavoq
Eqaallisaanermi illorsuup iluani suleriaatsit sukkanerulersinniarneqarput, taamalu illorsuup iluani suleriaatsini utaqqisarnerit malunnartumik sivikinnerulissallutik.
Nuup Kommunea allaffeqarfimmini qarasaasiat nutaat atulernerisigut suleriaatsinik eqaallisaanialerpoq, taamaaliornikkut allaffissuup iluani suleriaatsit eqaannerulersinneqassapput aammalu tamatuma kinguerisaanik utaqqisarnerit sivikkinnerulersinneqassallutik.
Taamatut suleriaatsit sukkanerulernerisigut piffissaq sipaarneqartoq innuttaasunut kiffartuussinerup annertunerulernissaa naatorsuutigineqarpoq, pappiararsornermut illullu iluani sulianik ingerlaartitsisarnernut piffissa sivikinnerusoq atorneqartalissalluni. Aamma saniatigut piffissaq sivisunerusoq eqqarsaatigalugu kommunip aningaasaqarnikkut missingersuusiortarneranut iluaqutaasumik pappiaqqatigut sipaaruteqartoqasalluni, aammalu kommunip avatangiisinut iluaqutaasussamik suliniuteqarniarneranut iluaqutaasussamut.
Kommune Kalaallit Nunaanni pisortat suliffeqarfiutaattut siullersaalluni sulisussarsiortarnermi ingerlatseriaatsiminik digitaliseeriivoq.