Bonuspoint-i Air Greenlandimi atorsinnaanngillaat
Timmisartumik angalasut bonuspoint-inik katersisimasut taakku Air Greenlandimi atorsinnaanngilaat, timmisartuutileqatigiiffiup oktobarimi billetisiniartarnermut ingerlatseriaasertik allanngortimmaguli, knr.gl allapoq.
SAS-ip bonus-isisarnermik piginnittuusup Air Greenlandip innimininermi inerlatseriaasia nutaaq atorusunngilaa. Air Greelandilli bonus-imik ingerlatseriaaseq aappaagumiit atuleqqinniarlugu sulissutigaa, maannalu SAS-imik isumaqatiginninniarluni.
– Pointinnattaat katersorluarneqarsinnaapput, kisianni ulluni makkunani pointit katersorsimasat atorneqarsinnaanngillat, tamanna inniminneeriaatsimik nutaamik atuilernitsinnit peqquteqarpoq, taamalu pointit atorsinnaannginnerat teknikimut tunngasuuvoq, christian Keldsen oqarpoq.
SAS-ip eurobonusisitsisarneq pigaa, SAS-illu bonuspoint-lresuisarnini Air Greenlandip inniminneeriaasia aqqutigalugu tuniniarneqarnissaa kissaatiginngilaa.
– Pointinik katersisoqarsinnaalluarpoq, taanna ajunngilaq, kisianni pointinik atuineq maannakkorpiaq atorunnaarallaqqavoq, ukiumilu nutaami aaqqissinnaanissaa neriuutigaarput, Christian Keldsen Air Greenlandimi nittarsaassinermut pisortaq oqarpoq.
SAS-ip bonuspointilersueriaasia maannakkorpiaq Air Greenlandip inniminneeriaasianut mislerarneqarpoq, neriutigineqarporlu bonusit katersat ukiumi nutaami atorneqasinnaalernissaat.