Qanga kalaallit sananeqaataannik misissuineq
Ilisimatuunngorniarfimmi ilinniartitsisut eskimuut akornanni nappaatit qaqutigoortut qanoq ilillutik pigiinnarneqartarsimanerat misissuiffiginiarpaat.
lektorip Niels Lynnerup-i københavns Universitet-imi Retsmedicinsk Institut-imeersoq Lundbeck-ip aningaasaateqarfianit 2 millioner kronenik tapiiffigineqarsimavoq, taakku Kalaallit Nunaanni itsaq inuit sananeqaataasa misissuiffigineqarnissaannut atorneqassapput. Suliaq professor Eske Willerslev, Niels Bohr Institut-imeersoq, aamma lektor Jørgen Dissing, Retsmedicinsk Institut-imi Forskningslaboratorium-imeersoq qanimut suleqatigalugit ingerlanneqassaaq. Kalaallit Nunaanni itsaq inuit saarngisa Retsmedicinsk Institut-imi tusind-ilippassuanngorlugit pigineqartut dna-visa suussusersinerisigut ilisimatuut Eskimuut kalaallit nunaannut nunaseqqaartut siulliit, paleo-askimuut, salliutillugit samminiarpaat. Taakku nappaatit qaqutigoortut kingornutakkat eskimuut akornanni qanoq ililutik attatiinnarneqarsinnaasimanersut misissuiffiginiarpaat, aammalu qallunaatsiaat amerikap avannaata inoqqaavinik, kalaallit nunaanni inunnik imaluunniit europamiunik allanik skandinavia-miuunngitsunik attaveqartarsimasut qulaajartussaassavaa.