Jens-Lars Fleischer peqqissisimasoq
Inatsisartuni ilaasortaq Uummannamilu borgmesteri peqqissisimasoq Nunafond-illu siulersuisuini ilaasortanngorpoq.?
Annonse
Jens-Lars Fleischer decemberimi taqqaminik milikartoorsimasoq peqqissisimagunarpoq. Uummannap borgmesteria Siumukkormiuusoq taamanili napparsimalluni sulinngiffeqarsimavoq. Kommunaldirektør Pollas Lyberthilli borgmesteri ataasinngornermi februarip 18-ianni borgmesteritut suliffimminut uteqqissanerarpaa.
Aningaasaateqarfiup allatseqarfiata ilisimatitsissutigaa, Fleischerip Ruth Heilmannip Inatsisartuni siulittaasunngornini pissutigalugu tunuartup inigisimasaa tigugaa.
Nunafondenip siulersuisui imatut isikoqalerput: Kuupik Kleist (siulittaasoq), Per Skaaning (siulittaasup tullia, Jens-Lars Fleischer, Doris Jakobsen, Kristian Jeremiassen aamma Kay Dam Steffensen.