2007-imi Ukiup Annaassiniartua
Kalaallit Røde Korsiat '2007-imi Ukiup Annaassiniartua'-ni ikiueqqaarnermut nersornaatit marluk agguaappaat, Sisimiuni 2007-imi apriilip 15-iani nukappiaqqat 3-nik ukiullit marluk ipillutik ajunaarnissaraluannik annaassisimasunut.
Aslak Jensen aamma Carsten Lings ulloq taanna Sisimiuni umiarsualivimmi umiatsiaqqaminniitillutik umiarsualivimmi suaartarpaluk tusaavaat meeqqallu marluk sikikkut nakkarsimasut takullugit.
Angutit takku marluk pilertortumik iliuuseqarlutik marlulissat umiatsiaminnut qaqippaat nunamukaallugillu. Taamaalinerani nukappiaqqat uumassuseqaratik anersaartunngillat.
Taava Aslak Jensen aamma Carsten inuunermik annaassissutaasumik ukiueqqaarput, ingerlaannaq uummataata nalaagut naqittaanikkut anersaartorfiisigullu supoorinikkut. Taamaaliornerisigut meeqqat taakku marluk annapput, ullumikkullu ajoratik.
Carsten Lings-imut ikiueqqaarnermut nersornaat Sisimiut borgmesteriannik Sisimiut kommunip allaffiani nalliuttorsiualaarnermi tunniunneqarpoq.
Aslak Jensenimut ikiueqqaarnermut nersornaat Kalaallit Røde Korsiata nuna tamakkerlugu siulittaasuannit Jens B. Frederiksenimit Nuummi Rådhusimi nalliuttorsiualaarnermi tunniunneqassaaq.
Nersornaasiinerit sisamanngornermi 2007-imi decembarip 27-iani nal. 1500 ataatsikkut tunniunneqassapput.