Portøritut annaassiniartartutut ilinniagaq nutaaq
Peqqissaanermik Ilinniarfik 2008-mi portøritut annaassiniartartutut ilinniarnermik nutaamik neqerooruteqarpoq.
Ilinniagaqarnermi portøritut annaassiniartartussat, inuup tunngaviusumik pisariaqartitai, tunngaviusumik paaqqinninermi suliassat, attaveqaqatigiinneq, suliffimmi avatangiisit aamma isumannaallisaaneq, nuutsineq, eqqagassanik suliaqarsinnaaneq, eqqiluisaarneq, ambulancinik angallassineq, inuunermik annaassiniarluni ikiueqqaarneq assigisaalu pillugit piginnaasaqalernissaat pingaartinneqassapput.
Ilinniagaqarnermi atuarneq suliffimmilu misiliineq paarlakaajaanneqassapput. Atuarnertai Peqqissaanermi Ilinniarfimmi ingerlanneqartassapput sungiusarnerlu sinerissami napparsimavinni ilinniarfiusinnaasutut akuerineqarsimasuni ingerlanneqassallutik.
Ilinniakkap naammassereernerani ilaatigut peqqinnissaqarfimmi aamma kommunini utoqqaat illuini plejehjemminilu atorfeqalertoqarsinnaavoq.