Nunarsuup kissatsikkiartornerani inuussutissarsiutit periarfissat

kalaalit Nunaata kiannerulerneratigut nunami naatitaty amerlanerit naatinneqarsinnaalissaput. Tamanna aalisartut ilaasa nuannaarutigaat, maannakkut kål-inik jordbær-inillu naatitsisartunngorsimagamik.

Politikerit nunarsuarmi tamaneersut sermip iigartartup saavani assilisinniarlutik Kalaallit Nunaannukaasaleruttortut kalaallit nunaanni innuttaasut silaannaap kiannerulernera nuannaarutigilerpaat, taamak Berlingske Tidende allappoq.

Silaannaap kiannerulerneranik iluarisimaartunut ilaavoq Erik Nielsen, savaatillip ernera, inerititanik naatitanillu naatitsisartutut aningaasannassinnaanermik isumalluartoq. Ilaqutariit savaateqarfiat Kalaallit Nunaata kujaterpiaaniippoq, taamalu naatitat soorlu broccoli aamma blomkål angisuunngunngikkaluarlutik ukiumut marloriarlutik naasarput.

– Nunalerineq eqqarsaatigissagaanni ilumut siunissaqarluarpugut, Erik Nielsen oqarpoq.

silaannaap kiannerulerneranik periarfissanik takunnittoq alla tassaavoq Peter Jakobsen, Nanortalimmeersoq. Peter Jakobseni inuunini tamaat aalisartuunermik inuussutissarsiortuusimavoq, saarulliit 1980-ikkunni Nanortalimmiit tammakarnissaasa tungaanut, taamaattumik isertitani timmissanik, puisinik nannulilu aallaasaminik tapertalersortariaqalersimavai. Issittup nanua uumasut silaannaap kissatsikkiartorneranit eqqugaanerlunneqartussanut ilaatinneqarpoq. Kisianni Peter Jakobseni piniarnermik aalisanermillu inuussutissarsiornissamut tunngavissaaruppoq.

– Kiatsikkiartornerup qanoq sunnerumaarneraatigut naluara, kisianni taamaaginnassappat aalisartuujunnaarnissara eqqarsaatigaara, nunamiunngorlunga naasunik naatitanillu naatitsisartunngorlunga, Peter Jakobsen oqarpoq.

Kalaallit Nunaata kiannerulernissaanut piareersarlutik Namminersornerullutik Oqartussat pilersaarusiuleruttorput.

– Savaatillit kål-inik assigiinngitsunik jordbær-inillu naatsitsisalersimanerat nutaajuvoq. Kiatsikkiartornera ingerlaannassappat periarfissarsuit takorloorsinnaavagut, Aqqalukasik Kanuthsen, Namminersornerullutik Oqartussani nunalerinermut pisortaqarfimmi siunnersortit pisortaat oqarpoq.

Powered by Labrador CMS