Qamutinik kaassuartakkanik nerliiviliartut
Utoqqaat innarluutillillu juullikkuni oqaluffimmi naalagiaqataassaartut periarfissinneqarput Nuummi Hans Egedep oqaluffiani naalagiarnissamut marlunngorneq decemberip 18-iani domprovsti Emma Balslev oqaluussisuusoq.
– Utoqqaat pitsorluttullu sapaammi oqaluffimmi naalagiarnissamut periarfissaqarpianngillat kommune-mi sulisut allallu angallassisinnaasut ulloq taanna sulineq ajormata. Neqeroorupput kommune ingerlatsiviillu allat suleqatigalugit suliarisimasarput assut ilassilluarneqarsimavoq, taama Emma Balslev Sermitsiamut oqarpoq.
Naalagiaqatigiinneq aamma allaanerulerpoq »inneq Biilliimimeersoq« oqaluffimmut eqqunneqarmat. Inneq taanna Inunngornerup oqaluffianit Biilliimimeersuuvoq nunarpassuarnut timmisartumik siaruaanneqartartoq maannalu aamma Nuummut anngussimasoq.
Aamma nerliiviliarneqarpoq qamutinik kaassuartakkanik atuisut innarluuteqarnertik pissutigalugu oqaluffimmut apuutijuissisut Jesusip timaanik aamma Jesusip aavanik alterimi tunineqarlutik.
Utoqqaat pitsorluttullu naalagiaqatigeeqqinnissaat februarimi pissaaq.