Nick Nielsen K2 majuassavaa
Amerikami kujallermi qaqqat portunersaat Aconcagua januar 2008-mi sungiusaatigeqqaassavaa
Nick Nielsen misigisaqaqqikkusutsappoq. Aasaru silarsuarmi qaqqat ulorianarnersaat Himalayamiittoq K2, siornaak tassani filmiliortoqarneratigut silarsuarmi tusaamaneqalersimasoq, majuassavaa.
K2 8.611 meterinik portussuseqartoq silarsuarmi qaqqat portunersarinngilaat, Mount Everest 8.848 meterinik portussuseqartoq, Nick Nielsenillu 2005-imi majip 29-ianni qaqinikuusaa portunersaammat.
K2-li ulorianarnerujussuullunilu majuaruminnaannerujusuuvoq.
Hillaryp 1953-mi siullersaalluni Mount Everestimut qaqineraniilli inuit 2.500-it missaanniittut tassunga qaqisimapput, K2-milli qaqisisimasut 250-it missaannaanniillutik. Mount Everestimut majuartut 4-5 procent-»iinnaat« ajunaartartut K2-mut majuartut 50 procentiisa missingisa qaqiniarnerminni inuunitik annaasarsimavaat, Nick Nielsen, qaammatit marluk siornatigut nukappiararujussuarmut ataatanngorsimasoq oqaluttuarpoq.
Sinnera Sermitsiami atuaruk