Meeqqat Inuunerissut isumasioqatigiinnissaq pilersaarusiorpaat
Isumasioqatigiinnissaq naalakkersuisut siulittaasuata, decemberip 14-ani akerliussutsimik takutsitsinerup kingorna, suleqatigiissitaq pilersitaa, peqatigalugu pilersaarusiorneqarpoq.
Meeqqat Inuunerissut / Bedre Børneliv ataatsimiinnermi siulliusumi peqataaqqammerput, Naalakkersuisut Hans Enoksen akerliussutsimik takutitsereernermi 14. november kingorna, ataatsimiititaliatut ivertitaani.
Suleqatigiisitaliami peqataatinneqarput Ilaqutariinnermi Pisortaqarfik, KIIIP kiisalu Paarisa, suliassatullu siullertut meerartatta ulluinnarnarni atukkamikkut inissisimasarneranni aallaavigalugu, isumasioqatigiinnissaq ingerlalluarfiusumik angusaqarfiusumillu pilersaarusiornissaa ingerlanneqarnissaalu qulakkiissallugu.
Isumasioqatigiinnissaq neriutaavoq, annertuumik tapersersorneqassasoq aammalu makkunanit peqataaffigineqassasoq, ilinniagaqarsimasunit, pisortanit sulisunit, naalakkersuinermik suliaqartunit, sulinermik peqatigiffinniit, ilinniarfeqarfinniit aammalu minnerunngitsumik angajoqqaaniit, tassani suligasuartussap suliap ingerlateqqinnissaani kikkunnit tamanit inuiaqatigiinnit isummat katersorusumallugit.
MIBB-miit neriutaavoq, isumasioqatigiinneq aallaavigalugu suligasuartut suliaanit nunatsinni meeqqanut pilersaarummik siunertalimmik suliniutaasussanillu suliarilluakkamik saqqummiussisoqassasoq, tassani siunertassatut ataasiakkaat pineqartut, naalakkersuinermik suliaqartunit, ilinniarsimasunit, pisortani sulisunit aammalu angajoqqaanit siunissami naammassineqarsinnaasunik siunnerfeqartumik.
Tamannalu angussagutsigu tamanit suleqataanissaq, kiisalu annertuumik suliaqarnissaq pisariaqarpoq, tassani Kaallit Nunaanni meeqqat inuuunerissut anguneqarnissaanut tunngavissat toqqammaveqarluartut katersorluarumallugit. MIBB kaammattuerusuppoq, kikkunnut tamanut pisinnaasunullu, suliap ingerlanneqarani peqataaqqullugit tapersersueqqullugillu.