Aputip Kulusumut timmisartorneq ajornarsisippaa
Tunumi ukioq manna aperujussuarsimanera Kulusumi mittarfimmut timmisartoqartitsiniarnermik maannakkorpiaq annertoorujussuarmik ajornartorsiortitsivoq.
Annonse
Air Greenlandip pingasunngornermi marsip 26-iani 2008-mi tappavunga timmisartornissaralua taamaatiinnartariaqarsimavoq, pissutsillu allanngunngippata aamma arfininngornermi marsip 29-ani pilersaarutaareersutut timmisartuussinissaagaluaq piviusunngortinneqarsinnaassanngitsoq.
Timmisartuussinerit taamaatiinnarnerat aamma allakkanik nassiussanillu ingerlassinernut sunniuteqassaaq, piffissaq eqqorlugu apuussinnaajunnaassammata.
Mittarfeqarfiit /GLV aperujussuarneranut piiaaniaraluartillutik malinnaasinnaanngillat, maannalu mittarfiup isuini marluusuni apussinerit ima portutigilersimapput, taakku navianartorsiortitsisinnaasutut isigineqarlutik.