Kalaallit Nunaat pillugu TV-kut aallakaatitaq 6 mio.-nit isiginnaarneqartoq
Tusagassiortut, tv-liortartut tusagassiuuteqarnermillu suliallit Ilulissanut tikittartut ukiuni kingullerni marlussunni amerliartorsimapput.
Amerikamiut nutaarsiassaqartitsiviat NBC marloriarluni Ilulissaniittarpoq USA-mi isiginnaartartuminnut toqqaannartumik aallakaatitsisarlutik.
Tusagassiuuteqarnermut misissueqqissaartartoq arlaannaannullunnii atanngitssoq NBC-ip misissueqqissaarnermut atortagaata naatsorsorsimavaa, taaneqartutut ittumik pilerisaarusiorniaraanni isiginnaarnartunut taamak amerlatigisunit 38, 5 minutsini isiginnaarneqarluni, taava taanna 1.114.793 $, iml. qallunaat aningaasaannik 5.664.615 kroner.
Isiginnaartartut mianersortumik naatsorsorlugu amerikamiut 6 mio. missaanniittut Kalaallit Nunaata Avannaa qanoq kusanartigisoq isiginnaarsimassavaat, neriuutiginarporlu tamanna ukiuni tulliuttuni amerlasuuni amerikamiut aningaasaatilissuit takornariat amerliartulerumaarnissaat, Destination Disko neriuppoq.