Qimussiussisartut ikiueqqaarnissamut pikkorissartut
Qimussiussisartut ukiut qulit qaangiuttullu siullerpaamik ikiueqqaarnissamut pikkorissarsimapput.
Annonce
Ikiueqqaarnissamut pikkorissarneq Destination Disko-mit aaqqissuunneqartoq aallartissimavoq, holdit pingasut peqataasimallutik.
- Pikkorissarnermi peqataasut pikkorissarneq assut nuannarisimavaat. Arlallit oqaatigaat kikkut tamarmik issittumi ikiueqqaarnissamut pikkorissarnermut peqataasariaqaraluartut, Destination Disko ilisimatitsivoq.
Ikiueqqaarnissamut pikkorissarneq assut soqutiginaateqarpoq, qimussimik angalanerit nakorsamit ikiuisinnaasumit qaninerpaamit ungasissumut ingerlasinnaasarmata. Ajutoornerit takornariaannarnut pisinnaanngillat, aamma qimussiussisut ajutoorsinnaalluarput.
Ole Kreutzmann, Ilulissani Qatserisartuni qatserisartut pisortaat Ilulissani pikkorissarnermi ilitsersuisuuvoq.