Sermimi qaarusuk pingaartoq
Filmip piviusulersaarutip nutaap ilaatigut Kalaallit Nunaata kujataani sermimi tungujuaartuinnarmik qalipaatilimmik qaarusuk sallinngortippaa.
Omnimaxfilmit Mexicomi, USA-mi Kalaallit Nunaannilu qaarusunnut alakkarteritippaatigut. Qaarusunniipput uumasuaraararpassuit ukiuni tusindilikkaani qerisumiissimasut taamaattorli uumarteqqinneqarsinnaasut toqqorsimapput.
Omnimaxfilmi Qaarusorujussuit aamma Nunarsupp Ilorpiaannut Angalaneq-mik ateqarsimasinnaagaluarpoq.
Init toqqoqqasut Nunarsuup iluani toqqorsimanertik pillugu soqutiginaannanngillat - aamma tamatta ataatsimoorussatsinnik siulitsinnik imaqarput, taamalu nappaatinut akiuiniarnitsinni nakorsaatinik ineriartortitseqataasinnaallutik.
Filmimi inuttaasoq Hazel Barton mikrobiolog-iuvoq, taassumalu neriuutigaa Nunarsuup iluani uumasuararsuarnik ujarlernini nappaatinut akiuiniarnermi nakorsaatinik ineriartortitsisinnaanermut iluaqutaasinnaassasut. Uumasuararsuit ujartugai tamakku avatangiisini peqqarniinnerpaani qaamaneqanngitsumilu uumaannarsinnaasimasut sermimi ukiuni immaqa tusindit hundrelikkaani arlalinni qerrutiteqqasimasinnaapput.Filmimi uumasuaqqat toquusaqqasimasut katersorpai, neriuutigaalu uumarteqqissinnaassallugit.
Ukiuni kingullerpaabi leukæmi-mik nappaatilinnut katsorsaanermi nakorsaatit pitsaanerusut ineriartortinneqarsinnaasimapput, kemikaliat qaarusummiuarannguit tamakku kinguaassiariortortarpaat.
Filmiliorfiutileqatigiit MacGillivray Freeman Films-it filmit omifax-iusut Everest aamma Delfiner saqqummersittarsimavaat.