Nuup eqqaani annaassiniarneq
Angallat 37 food-inik takissusilik inersimasunik 4-nik meeqqanillu 2-nik inuttalik Nuup kujataani ikkarlorasaartumi 70 kilometerinik ungasissusilimmiilluni motorerliulersimavoq.
Nuumi politiit piffissami decembarip 21-ianiit 27-iata tungaannut nalunaarusiaanni ilaatigut atuarneqarsinnaavoq, juulliaqqami unnuakkut 00.50-imi Aasiaat Radioaniit Nuummi politiinut kalerriisoqartoq, tassa angallammit Nuup kujataani ikkarlorasaartumi 70
Aasiaat Radio ajunaalernermik kalerrisaarummik nassiussivoq, angallatillu marluk Orasilla aamma kilisaat Tasermiut akissuteqarput. Orasilla ajutoorsimasumiit 3 tiimit inorlugit ungasissusilimmiippoq, Tasermiullu 5 tiimit missaanni ungasissusilimmiilluni. Tasermiut ajutooqqasoq sumiissusersiutikkut sumiissusersisinnaasimavaa, taamalu sumiiffippiaa nalunaarutigisinnaasimallugu. Nakutilliissut Tulugaq Nuummi umiarsualivimmiissimasoq 5 tiimit qaangiuppata aatsaat apuussinnaavoq, politiillu angallataat Sisak piareersimasimanani.
Nalunaaqutaq 04.26 Orasilla ajutoortumut apuuppoq, kisianni eqqaani ikkarloqarpallaarnera pissutigalugu apuutivissinnaanani. Taamaammat Tulugaq gumibåd-imik ornigutitsiniartoq utaqqineqarpoq. Nal. 07.25, nalunaaruteqarnermiit 7 tiimingajaat ingerlareersullu ajutoorsimasut kiisami ajunngitsut Tulukkamut ikaarunneqarput.
Ajutoortut motoriminnik ajutoorsimapput silarlunneranillu avataani imaannarmi angalasinnaajunnaaqqalluni. Angallat nakkutilliissummit Nuummut kalinneqarpoq.