Qulimiguulimmik ujaasineq kinguneqanngilaq
46-nik ukiullip Mads Mølgaard-ip tallimanngormat decembarip 21-ianili umiatsiaaqqamik poca-mik qaqortumik qalipaatilimmik aquuteqaralimmillu Qeqertarsuarmiit aallarnermi kingorna tammaaneqartup qulimiguulimmik ujarneqarnera kinguneqanngilaq.
Annonse
- Ullumikkut qulimiguullip Uummannaliartup aqqutaa allanngortissimavarput, Qeqertarsuup avannamut kitaatungaa Vaigat-ip Hareø-llu eqqaa ujaasiffigitissimallugu. Ajuusaarnaraluartumik ullumikkut aamma ujarneqaratoq Mads Mølgaard nassaarineqanngitsoorpoq, taamak politeeq Ole Jens Mølgaard, Qeqertarsuarmi pigaartuusoq Radioaviisimut oqaluttuarpoq.
Ippassaq aamma qulimiguullip Qeqertarsuup kujataa-tungaa qinaasiffigigaluarpaa. Peqatigitillugu angallataatillit umiatsiaaraatillillu namminneq kajumissutsiminnik qinaaseqataagaluarput.
46-nik ukiulik Mads Mølgaard pillugu paasissutissat Qeqertarsuarmi politiinut saaffiginnissutigineqarsinnaapput, telefon normu 54 13 22.