Kangerlussuaq allilerneqassaaq

Angallannermut naalakkersuisup Kim Kielsenip oqallinneq qatsuppaa.

Terminalbygningen i Kangerlussuaq skal udvides til næste sommer.

Ineqarnremut attaveqaatinullu naalakkersuisup Kim Kielsenip, Siumut, Kangerlussuarmi mittarfiup illutaa sapinngisamik sukkanerpaamik allilertinniarpaa.

Taamaattumik Aningaasaqarnermut ataatsimitsitaliaq qinnuteqaateqarfigaa sanaartornermut kontonit arlalinniit nuussueqqullugu. taamaaliornikkut Namminersornerusut Kalaallit Nunaannilu Mittarfeqarfiit peqatigiillutik allilerinissamut 15 millioner kronenik pissarsisinnaaqqullugit.

Aningaasaqarnermut ataatsimiitsitaliap pilersaarut akuerissappagu umiarsuaq 2008-mi juunip 9-ani Kangerlussuarmut tikittoq siulleq mittarfiup illorsuartaata allissutissaanut atortussanik usilluni tikissaaq.

Pilersaarummi mittarfiup illorsuartaata saatungaata tungaanut 5 meterinik taallineqassaaq. Peqatigitillugu illorsuup takussusaa tamaat quleriit pingasunngortinneqassapput.

Taamat allilerinikkut nunap iluani nunallu avataanut angallannerit pitsanngortinneqassapput peqatigitillugulu upalungaarsimanissamut tunngasut nassatanullu tunngasut ajornannginnerusumik ingerlanneqartalissapput.

Sammivinnit arlalinniit, aamma takornariaqarnermik inuussutissarsiortunit, mittarfiup illorsuartaata allineqarnissaa ukiuni kingullerni kissaatigineqartarsimavoq.

– Kangerlussuarmi ilaasunut atugassarititaasut pitsaanerulersinnissaannut pisariaqartitsineq ima erseqqaritsigaaq sunnguaq sorujussuanngortittariaarulluni. Kim Kielsen oqarpoq.

Sermitsiami ullumikkut saqqummersumi aamma atuaruk.

Powered by Labrador CMS