Toqukkut qimagussimasut eqqaaniarneqartut
Aqagu Narsami innuttaasut ilaat iliveqarfimmi naapisimaassapput - aaqqissuisut neriupput illoqarfiit allat aamma taamaasiorumaartut
Aaqqissuisut, Helga Motzfeldt aamma Nikolaj-Poul Korniliussen: – Ukiup taarsiartornerani nalliuttorsuillu qanillilernerani ilaquttanik ikinngutinik asasanillu toqukkut qimagussimasunut maqaasineq sakkortunerulersutut misigisimanartarpoq.
– Ulluni taarsiorfiusuni kiserliorfinnilu misigitissinnaalersarluta kisimiittutut inuusutut ikiortussaqanngitsutut saafissaqanngitsutullu.
– Taamaammat sineriak tamakkerlugu aaqqissuussiniarsimavugut sapaatiuppat 18. november nal. 16.00.
Katerisimaarniartut Narsap iliveqarfiani naapissapput.
– Annermik immitsinnut inuiaqatigiillu paasitinniarlugu artorsarfinni kisimiittannginnatta. Inuppassuugattali asasaminnik annaasaqarsimasunik oqaleqateqarusuttunik nukittoqquteqarusuttunillu.
– Neriuutigaarput sineriak tamakkerlugu isuma malinneqarumaartoq. Inuuneq kiserliorluni atorlugu nuannertanngimmat,tapersersoqatigiillunili nukittunarnerusarmat.
– Naatorsuutigaarpullu iluatsilluassappat sapaatit tamaasa juullip tungaanut ingerlattarusullugu, Helga Motzfeldt aamma Nikolaj-Poul Korniliussen oqarput.