Agnethep ilisaanera KNR-ip aallakaatissavaa
Nuup borgmestererigalua tallimanngorpat ilisaappat nuna tamakkerlugu malinnaavigineqarsinnaassaaq.
Annonse
Ilisineq pissaaq 2007-imi tallimanngorneq novembarip 30-at nal. 13.00 Hans Egedep Oqaluffianiit. Inunnut oqaluffimmi inissarsisinnaanngitsunut ilisineq Nuup katersortafiani skærmerujussuakkut malinnaaffigineqarsinnaassaaq.
Ilisereernerup kingorna illoqarfimmi innuttaasunut Katuami kaffillertoqassaaq. Ilisineq KNR-TV-mit toqqaannartumik aallakaatinneqassaaq, Kalaallit Nunaanni innuttaasut taamaalillutik malinnaasinnaassammata, nuuk.gl ilisimatitsivoq. KNR naapertorlugu aallakaatitsinissaq piviusunngorpoq ilaqutaasut, Nuup Kommunea aamma palasi Emma Balslev isumasioqatigereerlugit.