Norgep nunat issittup nanuinik uumasullit qaaqquai
Norgep nunat issittup nanuinik uumasoqarfiusut tamaasa nannut silaannaap allanngoriartorneranit nungutaannginnissaat pillugu suleqatigiinnissaat kissaatigaa.
Norgep nunat issittup nanuinik uumasoqarfiusut tamaasa nannut qanoq ilillugit annaanniarneqarnissaat pillugu oqallinnissamut ataatsimeeqatiserai.
Nunat issittup nanuanik uumasoqarfiusut katillutik tallimaapput. Norgep saniatigut tassaapput Danmark/Kalaallit Nunaat, Rusland, USA aamma Canada.
- Issittumi silaannaap sukkasuumik allanngoriartornera immallu sikuata sukkasuumik milliartornera issittup nanuanut immikkuullarissumut navianartorsiortitsivoq imaannaanngitsoq. Silaannaap allanngoriartorneranit issittup nanua sunnertinnernut allanut malussarissorujussuanngorsinnaavoq, soorlu mingutsitsinernit, piniarnernit aamma issittup nanuata nalinginnaasumik uumasuuffigisaani innarliinernut.Issittumi issittup nanuisa amerlassusaat imminnut atasuupput naalagaaffiillu killeqarfii akimortuullugit. Imaappoq nunap ilaani arlaanni suliaqarsimagaanni tamanna nunanut allanut sunniuteqartarpoq. Taamaattumik issittup nanuanik naoqassitsimik nakkutilliinissaq pillugu nunat tamat suleqatigiinnissaasa nukittorsarneqarnissaa pisariaqarpoq, taamak avatangiisinut ineriartortitsinermullu ministeria Erik Solheim oqarpoq, Ritzau naapertorlugu.
Ataatsimiinnissaq norgemi illoqarfimmi Tromsømi 2009-imi upernaakkut ingerlanneqassaaq.
nunat taakku tallimat 1973-imi issittup nanuata taassumalu uumaffigisaata illersorneqarnissaa pillugu isumaqatigiissuteqarput, Taamanikkut piniapilunneq issittup nanuisa nungutaanissaannut navianartorsiortitsivoq.