Upernavik Seafood-imi sulisut akissarsiaat qaffapput
SIK aamma Upernavik Seafood sulisut akissarsiaqarnrulernissaannik imalimmik isumaqatigiissuteqarput.
Fabrikimi SIK malilugu akissarsiaqartut ukiuni pingasuni atuuttussami akissarsiatigut 8,5 procentit missaannik qaffassapput, taamak sulisartut kattuffianni siulittaasup tullia Josef Therkildsen ilsimatitsivoq.
Upernavik Seafood-imi sulisut aamma pensionisiaqarnissamut ileqqaarfimmut SISA ilaassapput, aammalu SIK-p qaammarsaanermut ilinniagaqarnermullu aningaasaateqarfianut akiliisassallutik aammalu sulinngiffeqarnissamut aningaasaateqarfimmut tapiissuteqartassallutik.
- Sulisut aatsaavissuaq akissarsiatigut atukkatigullu isumaqatiissuteqarfigineqarlutillu pensionissiassanut ileqqaarsinnaalerput, saniatigulu akissarsiatigut qaffaatit Royal Greenlandimi qaffaatinut nallersuullutik, Josef Therkildsen erseqqissaavoq.
Isumaqatigiissut Upernaviup kommuniani fabrikkini arfiniliusunut atuppoq. Fabrikkini ukiuunerani sulisut 50-it missaanniittut sulisorineqartarput, aasaanerani amerlanerusarlutik.
Isumaqatigiissut tallimanngormat atsioqatigiinneqarpoq.