Agnethe Davidsen ullumikkut ilisaassaaq
Kommunimi sulisut illoqarfimmilu peqatigiiffiit ikumasulisaarlutik rådhus-imiit Hans Egedep Oqaluffianut nal. 12 ingerlaassapput.
Annonse
Nuup borgmesteria Agnethe Davidsen ullumikkut nal. 13.00 Hans Egedep Oqaluffianiit ilisaassaaq. Oqaluffiup tungaanut aqqusineq ilaqutaasunut qaninnerpaanuinnaq taxa-nuinnarlu ammassaaq, Nuup Kommunea ilisimatitsivoq.
/p>
Oqaluffimmeereernerup kingorna busit pingasut naalagianik iliveqarfimmut angallassisussat piareersimassapput, tamatumalu kingorna illoqarfiup innuttaanut Katuami kaffillertoqassaaq.
Ilisineq KNR-TV-mit toqqaannartumik aallakaatinneqassaaq, Nuummilu katersortafimmi skærmerujussuakkut aamma malinnaavigineqarsinnaassalluni.
Internetimi nittartakkami www.nuukgl-imi nittaassiviup debat-ip ataani misiginneqatiginnissutinik nassitsisoqarsinnaavoq, Nuuk Kommunea ilisimatitsivoq.