Sermitsiaq.gl nersornaasigassatut innersuunneqartoq
Nittartagaq netimi quppersakkat aqqaneq-marluusut Journalishøjskole-p online magasin eJour-ianit ukioq manna nersornaatitsissussatut innersuunneqartut akornanniippoq.
Innersuunneqartunut ilaapput ilaatigut Nationen Ekstrabladet, DR-ip Update aamma TV2-miittoq 1234.
Sermitsiaq.gl-ip innersuunneqarneranut tunngavilersuummi ilaatigut imatut allassimavoq:
- Sermitsiap siorna novembarimi sermitsiaq.gl nutaaq atoqqaartimmagu kalaallit uagullu allat tamatta Kalaallit Nunaanniit ullormi pisunit nutaarsiassanik nammineq tusagassiarineqartunik aviisitigut atuarsinnaalerpugut. Sermitsiap nittartagaa kusanaannarani eqqarsaatigilluagaaginnarnanilu aamma atuisunut atoruminartuuvoq. Nittartakkap oqaatsinik pingasuinnik atuisuunerata (kalaallisut, qallunaatut tuluttullu) takutippaa, aaqqissuisoqarfimmi nukiit annikitsuinnaanngitsut, naak aningaasartai taamaakkaluartut. Atuartartut atuisullu aamma akuutinneqarnerat pitsaasuuvoq, oqaaseqaateqarsinnaanermut allatullu periarfissaqarluni, soorluli nutarterlugu nittarsaganngorteqqinneqarnera aamma assinik grafikkinillu allanik atuineq inerititaqrluartumik sunniuteqarsimasoq.
Siunnersuutinik nassiussinissamut piffissaliussaq jannuaarip qeqqant killeqarpoq.