Qalasersuup eqqaata naqqani nunavissuup killeqarfia TV-kut

Naalagaaffiup killeqarfia paasiniarlugu ilisimatuut Kalaallit Nunaata avannaani qalasersuup imartaata naqqani paasiniaallutik sulineranni TV-liortartut malinnaasimapput, GEUS ilisimatitsivoq.

Isbryderne Oden og 50 Let Pobedy under togtet i 2007 i Polhavet.

2006-imi Danmarkip Kalaallit Nunaata avannaani imartami nunavissuup killeqarfiata misissorneqarnissaa pimoorullugu aallartippaa, sikumilu saatsersumi eqimaqisumi misissuinerit 2007-imi sikumik aserorterussuit atorlugit ingerlaqqipput. Nunavissup killeqarfiata imaassinnaavoq Danmarki 200 sømilip killeqarfiata avataani immap naqqani naqqatalu ataani pisuussutinik piginnittuulersissinnaagaa.

TV-kut aallakaatittakkap Viden Om-ip - "Kamp om Nordpolens olie" - (Qalasersuup uuliaanik pilerngunneq) DR2-kut sapaatip akunnerata tulliani ilisimatuut issittup imartaani sikorsuit akornanni sulinerat sorsunnerallu malinnaavigineqarsinnaavoq;

Marlunngorneq 4. december nal. 20.00

Sisamanngorneq 6. december nal. 18.15

Sapaat 9. december nal. 23.20

Tunuliaqutaasoq

FN-ip immamik piginnittussaanermik isumaqatigiissutaa Danmarkip 2004-mi atsioqataaffigaa, taanna 200 sømilip killeqarfiata avataani immap naqqata ataani immallu naqqani pisuussutinik piginnittussaanermik piumasaqaateqarsinnaanermut ammaassisuuvoq. Piginnittuunermut piumasaqarnissamut piumasaqaataavoq, nunataq 200 sømilinik killeqarfiup avataannut pissusissamisoortumik ataannassasoq. Ilisimatuut GEUS-imeersut taamanerniilli imartanit Kalaallit Nunaata Savalimmiullu avataaniittunit aalajangersimasut tallimaneersut paasissutissat katersorlugillu isumasiorlugit ulapputigisimavaat, taakku aallaavigalugit piumasaqaateqartoqarsinnaanermut periarfissaqarpoq. Suliaq kontinentalsokkelprojekt-imik (nunavissuup immap naqqatigut killeqarfianik suliniut) taaguuteqartinneqarluni inerlavoq.

Kalaallit Nunaata avannaani Issittup imartaani nunavissuup killeqarfianik misissuinerit 2006-imi pimoorullugit aallartinneqarput, ilisimasassarsiorneq LORITA-1-imik taaguuserlugu, misissuinerillu 2007-imi ingerlateqqinneqarput, sikunik aserorterussuit atorlugit LOMROG-imik angalanermi.

Powered by Labrador CMS