Rektorertaassaq nalunaarpoq
Ilisimatusarfiup jannuaarip 1-ianiit ikasarsaariarnermi rektorissaa qularnaarneqarpoq, taamaattoq rektorip tullersortissaanik suli nalunaartoqarsimanngilaq.
Ilisimatusarfiup rektorissaa pingasunngorpat toqqarneqarpat unamminnernertaqanngitsumik toqqaanerussaaq. Tallimanngormat piffissaliussaq naammat qinnuteqartoq ataasiinnaasimavoq, taamaammat rektorertaassaq decembarip 5-iani unammillernertaqanngitsumik ivertinneqassaaq.
Kisianni Birgit Kleist Pedersenip kingoraartissaanik rektorip tullersortissaanik nalunaartoqarsimanngilaq.
- Aaqqinniagassaq taanna pingasunngorpat aaqqiiviginiartariaqarparput, Ole Marquardt oqarpoq.
Ilinniartitsisoq lektor Aage Rydstrømi upperisarsiornermut ilisimatusarfimmeersoq marlunnit innersuussisilerluni ikaarsaariarnermi rektoriugallartussatut qinigassanngortittuuvoq, ilisimatusarfimmi siulersuisunit nutaanit rektorip nutaap atorfinitsinneqarnissaata tungaanut.
Rektor Ole Marguardt imaluunniit Brigit Kleist Pedersen ikaarsaariarnermi rektorissatut ingerlanissartik kissaatigisimanngilaat. Taakku tunngavilersuutigaat aqutseriaatsimut inatsisip nutaap piumasaqaatai taamatut isikkorqartillugit suliniuterpassuit nutaat aallartinnissaannut piffissakippallaartoq.
Ilisimatusarfimmi Siunnersuisoqatigiit ullumikkut rektorimik taassumalu tullianik atorfinitsitsisarput. Jannuaarip aallaqqaataaniit siulersuisut ilisimatusarfiup aqutsisussaanik atorfignitsitsisalersussaapput.