Vejlemi nalliuttorsiorneq
Kalaallit peqatigiiffiat "Qarsoq" ukiunik 35-inngortorsiornini malunnartinniarlugu decemberip 15-ianni 16-iannilu kulturisiortisiniarpoq, taamatut oqaluttuarpoq KNR.
Annonce
Atisanik takutitsineq, nipilersorneq, kalattoorneq saqqummersitsinerlu kiisaalu kalaaliminernik misiliineq, tassa Vejlemi ungdomskolemi Domus-imi, aaqqissuussinermik ingerlatsivigineqartumi, misigineqarsinnaasut.
Peqatigiiffiup siulittaasuata, Atassutip siulittaasorisimasaasa Daniel Skifte, ukiunik 35-inngortorsiorluni nalliuttorsiornissarsuaq upernaarli piareersalersimavaa.
- Maanna kiisami aaqqissuussinissamut illoqarfimmiunik aningaasaliisussarsisimavugut. Vejle Kommuneani innuttaasut soqutiginnittullu allat qaaqquneqarput, kalaallit kisimik qaaqquneqanngillat, aaqqissuussineq qallunaanut innuttaasunut sammitinneqartigaaq, naalakkersuisunut ilaasortaasimasoq Daniel Skifte oqarpoq.