Nittartagaq nuannarineqarluartoq
KNTIS-p (takornariaqarnermut inuussutissarsiornermullu siunnersuisoqatigiit) nittartagaata greenland.com-ip alakkaasut 1 millionit sinnereersimavaat.
Kalaallit Nunaanni Takornariaqarnermut Inuussutissarsiornermullu Siunnersuisoqatigiit internetimi nittartagaata greenland.com-ip - takornarianut, suleqatigiissuteqarfigisanut Siunnersuisoqatigiillu soqutiginnittaannut saaffiginnittuusoq - novembarip qaammataani alakkaasut 1 millioni sinnersimavai, nittartagaq 2007-imi februaarip naajartornerani atulersinneqarmalli.
Alakkaasunit Millioninit taakkunannga 500.000-it missaanniittut ataasiaannartunik taaneqartartuusimapput, tassa atuisartut ullup unnuallu ataasiaannarlutik alakkaasimasutut nalunaarsorneqartartut, naak ullup unnuallu ingerlanerani nalunaaquttap akunnerisa 24-it ingerlaneranni arlaleriarlutik alakkaasarsimagaluartut.
Piffissami qaammatit qulingiluat ingerlaneranni klik-ertut tamarmiusut sisamararterutaat USA-meersuusimapput, taamalu ulloq taanna greenland.com ammarneqarnermi kingornali amerlanerpaanik alakkarneqarsimaneranut amerikamiut qutsvissaapput.
Ulloq taanna pivoq novembarip 6-iat, ulloq taanna atuisartut ataasiaannarlutik alakkaasutut nalunaarsorsimasut 2.500-ngajaallusimagamik, pingaarnermik NBC-ip Ilulissaniit toqqaannartumik aallakaatitsineranut atalluni.
Nittartagaq februaarimi atuleqqaarmalli atuisartut katillugit nunanit 199-init nittartakkamik alakkaasimapput. Alakkaasartunit amerlanerpaanut tulliupput danmarkimi auisartut, Tuluit Nunaat pingajuulluni, sisamaalluni Tyskland. Nittartagaq Kalaallit Nunaannit aamma soqutigineqarluarpoq, tassanngaaniit alakkaassarsimasut amerlalerpaat tallimarisimagamikku.