Qeqertarsuarmi kulturi suli aamma
Suleqatigiit nutaat inuit allat namminneq aaqqissuussisarnissaannik siunnersortassavaat, KNR oqaluttuarpoq.
Qeqertarsuarmi suleqatigiissitamik apeqqutinik kulturimut tunngasunik sammisaqartussamik pilersitsisoqarsimavoq. Suleqatigiit QKS-imik taasimapput, taakkualu peqatigiiffiit pisortallu peqatigalugit kulturikkut aaqqissiissinerit siunnersuiffigalugillu aaqqissuuttassavaat.
QKS-ip suliassatut siullertut illoqarfiup timersortarfeeraani innuttaasunut tamanut juullimut aaqqissuussissapput.
Kulturikkut aaqqissuussinerit ilaat kommunimit aningaasatigut matussuserneqartassapput, pisussalli allat aningaasaateqarfinnit tapiiffigineqarlutik piviusunngortinniarneqartassapput.
Suleqatigiit oktobarimi pilersinneqarput, novembarillu naanerani inuit 60-it missaanniittut ikumasulisaarlutik illoqarfiup katersortarfianut ingerlaarput, tassani kulturikkut aaqqissuussineq 150-it missaannik peqataaffigineqartoq aaqqissuunneqarsimalluni, taamak ataqatigiissaarisoq Linda Grønvold oqarpoq.