Namminersornerusut sanigorsartut
- Naalakkersuisut ingerlataat immikkoortitsinermut nallersuussinnaavoq, Demokraatit politikkikkut oqaasertartuat Palle Christiansen Ritzau-imut oqarpoq, pisortaanernik kalaallisut oqalussinnaasunik atorfinitsitsinernut tunngatillugu.
Aappaagu februaarip 1-ianiit kalallit nunaanni namminersornerullutik oqartussat allaffeqarfissuani oqaluttuarisaaneq nutaaq aallartissaaq. Naalakkersuisunut ilaasortat ullumikkut arfineq-marluusut - ministerit - katillugit 14-inik pisortaqarfeqarput, taakkuli naalakersuisoqarfinnut arfineq-marlunnut, ataanni aqutsisoqarfinnik arlalinnik peqalersussanut, allanngortineqassapput.
Naalakkersuisut peqatigitillugu aalajangerpaat oqaatsitigut piginnaasat pingaarnerpaatut inissinniarlugit. Taamaattumik naalakkersuisoqarfinnut nutaannut pisortaaninngortussanut piumasaqaataalerpoq, kalaallisut oqalussinnaanissaat. Imaappoq, pisortaqarfinni maanna 14-iusuni pisortat qallunaajusut pisortaaninngorussani taakkunani atorfinissinnaanavianngitsut. Kisianni imaanngilaq piginnaasatigut piukkunnasstsit isumaqatiginninniutigineqarsinnaanngitsut, kaj Kleist isumaqarpoq.
- Manna Hans Enoksenip naalakkersuisoqataatali aallartitaat assigiinngisitsinermut nallersuussinnaavoq, Demokraatini politikkikkut oqaaseqartartoq Palle Christiansen oqarpoq.
Taanna isumaqarpoq, naalakkersuisoqarfinni pisortaanissanik atorfinitsitsinissamik piginnaasatigut piukkunnassusiat pingaarnerpaajusoq, tamatuma kingorna aatsaat oqaatsitigut piginnaasaat tullinnguunneqarsinnaapput. Aamma Demokraatit upperivallaanngilaat, aqqissuussineq nutaaq taanna kalaallit nunaannut aningaasatigut sipaarutaassasoq.
- Sipaarutissat annersaat tassaavoq, naalakkersuisut allanngortitsinissaq qaammammik ataatsimik kinguartimmassuk, Palle Christiansen oqarpoq - uani innersuussutigaa aaqqissuussaaneq ukiortaamiit atuutilersussatut pilersaarutaaqqaaraluarmat.
Naalakkersuisulli sapaatip akunnerani kingullermi aalajangerpaat, tamanna qaammammik ataatsimik kinguartinneqassasoq.Tamatumunngalu tunngaviuvoq, naalakkersuisoqarfissani pisortaanissat kalaallisut oqalussinnaanissaannik kissaateqarneq, aammalu atorfiit pillugit oqaloqatiginninnissat sivisusinnaasussaammata.