Ilaqutaasut najugaqarfimmik perusupput
Perulullutik napparsimasut ilaqutaat Københavnimi pensionateqalernissaanik piumasaqarlutik atsiornernik katersuipput
Agnetha Petersenip uia Peter H. Petersen ukioq manna aprilimi kræftertoq paasineqarmat Agnethap uini Danmarkiliaqatigaa. Aappariit qaammatini sisamani Danmarkimiipput sumiiffimmiillu sumiffimmut nooqattaarlutik. Peter H. Petersen Rigshospitalimiit Kalaallit Illuutaannut nooqattaarpoq. Agnetha ilisarisimasamini, vandrerhjemmini, akunnittarfinni Rigshospitalimilu tikeraat inaanni najugaqaqattaarpoq, Kalaallit Illuutaanni inissaqannginnami. Arlaleriaqaluni ilisimasarsimanngilaa tullianik sumi unnuissanerluni.
– Danmarkimi misigisatta kingorna aalajangerpunga atsiornernik katersiniarlunga. Nuummiinnaq atsiornernik 900-t missaannik katersivunga, katersineralu sinerissamut siammartikkusuppara. Tamatumuuna anguniarpara Danmarkimi pensionateqalernissaa, napparsimasut ilaqutaasalu, napparsimasup katsorsartinnerani, najugaqarfigisinnaasaannik.
Sermitsiami sinnera atuaruk....