DR-ip aallakaatitassiaa pingasunngorpat
TV-kut aallakaatitassiaq »Flugten fra Grønland« (Kalaallit Nunaannit qimarranneq) sap.ak. tulleq KNR-ikkut takutinneqassaaq qinersinissamut killilersuinerit aallartereerluartut.
DR-ip aallakaatitassiaata ’Flugten fra Grønland’-ip soqutigineqarluarnera pissutigalugu inuiaqatigiinnullu soqutiginaateqarluarmat KNR-ip sapaatip akunnerata tulliani pingasunngornermi sisamanngornermilu aallakaatinniarpaa, qinersisoqarnissaanut ’mattussineq’ (spærretid) aallartereeraluartoq. Kinguninnguali oqallinnertaqassanngilaq – tamanna kingusinnerusukkut piumaarmat, KNR tusagassiuutitigut nalunaarpoq.
- Unnuk ataaseq annertuallaassaqimmat malittuinnarmik qallunaatut kalaallisullu aallakaatinnissaat, aaliangiunneqarpoq siullermik pingasunngornermi 31. oktober nal. 18.30-miit 19.30 tungaanut qallunaatuua aallakaatinneqassasoq, taavalu aqaguani sisamanngornermi 1. november aamma nal. 18.30-miit 19.30 tungaanut kalaallisuua aallakaatinneqassasoq.
KNR-ip pilersaarutigaa aallakatitaq kingusinnerusukkut tv-kut radiukkullu oqallinnertalimmik aallakaatissallugu.