Politikerit kisimik pisuunngillat
Inuuniarnikkut artorsarneq inuit namminneq ilaatigut pisuussutigaat. - Aaqqinniarniaritsi, naalakkersuisut siulittaasuat Hans Enoksen (Siumut) KNR-ip ulloqeqqanut radiuaviisianut oqarpoq.
Naalakkersuisut siulittaasuata Hans Enoksenip tallimanngormat radioaviisimi DR-ip piviusulersaarutaanut oqalalisaaqisumut "Kalaallit Nunaannit qimarranneq"-mut ippassaq unnukkut unnuaruukkaa KNR-TV-kkut kalaallisuungortillugu aallakaatinneqartoq qisuariaateqarfigaa.
– Inuit ilungersornerusariaqarput, oqarpoq erseqqissarlugulu inuit amerlasuut inuuniarnikkut ajornartorsiuteqarnerat politikerit kisimik akisussaafiginngikkaat.
Hans Enoksen tusagassiorfinnut nalunnarummi allappoq, politikerit kisimiillutik ajornartorsiutit tamaasa aaqqissinnaanngikkaat.
- Akisussaassusermik nammineerluni ullumikkornit pimoorussinerulluni tigusiniarnissamut kajumissaariuaannarsimavunga. Ilumoorpoq kalaallit innuttaasa amerlanerpartaat ajunngitsumik ingerlapput, kisianni aamma amerlavallaartut inuunerlunnermik nalaanneqarsimasuupput, Hans Enoksen oqarpoq.
Hans Enoksenip tusagassiuteqarfinnut nalunaarutaa qulequttami "Aallakaatitassiaq putusaarutt"-mi allaaserisap "Flugten...-imut qisuariaatit"-ip ataani talerpiatungaani atuarneqarsinnaavoq.