IA-politikeri: Kalaallit ajorsartuussapput
Inatsisartunut ilaasortap Johan Lund Olsenip (Inuit Ataqatigiit)Namminersornerullutik Oqartussat paasissutissiisarfiat Tusagassiivik aqqutigalugu qallunaat tusagassiorfiinut takisuumik allagaqaateqarluni akikinaarlugu illusiani aammarluni illersorpaa.
Johan Lund Olsenip inatsimmik allanngortitsinissaq maanna suliarineqartoq ernumanartippaa, taamaalilluni Namminersornerullutik Oqartussat inissiaataat illuutaallu siunissami nalinginnaasumik niuernikkut akit naapertorlugit tuniiarneqartalissammata, teknikkikkut aningaasaqarneq piunnaarlugu, taamaalillutik Johan Lund Olsenip nuliatalu Ilinniartitaanermut Pisortaqarfimmi pisortaasoq Lise Lennert Olsen illusiartik pisinarisimagamikku, Namminersornerusuni atorfilittat arlallit politikerillu peqatigalugit.
- Illoqarfinni anginerusuni ajorsartut tassaassapput kalaallit innuttaasut, iluanaaruteqarujussuartussallu tassaalissapput inissianik inuussutissarsiutigalugu iluanaarniartartut illunillu tuniniaanermi akunnermiliuittartut inissaaleqisoqarneranik iluanaarniapiluttut, Johan ilanngutassiamini allappoq.