Perorsaasut 225-it amigaataapput
Perorsaasutut ilinniarsimasut atorfissaralui ilinniarsimanngitsut suliffigisarpaat, amerlanertigut inunnik peqqinissaanermullu ikiortissatut ilinniarsimasut sulisorineqartarlutik, Naalaakersuisoq Tommy Marø ilisimatitsivoq.
Kalaallit Nunaanni ullukkut paaqqinnittarfinni 85-ni ulloq unnuarlu paaqqinnittarfinni 14-ni perorsaasutut atorfiit 489-upput, taakkunani taamaallaat 234-it perorsaasutut ilinniarsimasunik atorfeqarput.
Ilaqutariinnermut Naalakkersuisoq Tommy Marø (Siumut) inatisartunut ilaasortamut Asii Chemnitz Narupimut (Inuit Ataqatigiit) akissuteqarluni taama ilisimatitsivoq.
Perorsaasutut atorfiit 255-it inuttalerneqarsimanngitsut ilinniarsimanngitsunik sulisulerneqartarput, amerlanertigut inunnik peqqinnissamullu ikiortissatut ilinniarsimasut sulisorineqartarlutik.
Tommy Marø oqarpoq taamatut ilinniarsimasut, taakku sunik tunuliaquteqarlutik ilinniarsimasaannut paasissutissanik sukumiisunik piniarnissamut periarfissaqarsimanngikkallartoq. Aamma fritidshjemmeni, atuareernerup kingorna paaqqinittarfinni assigisaanilu qanoq atorfinitsisoqartarnersoq paasissutissanik erseqqisssunik amigaateqartoqarpoq, akissummi allassimasoqarpoq.