Angajoqqaarsiat pikkorissartut
Ilaqutariit meeqqanik inuusuttunilu paaqqinnittartut (angajoqqaarsiat) 30-it kommunini assigiingitsuneersut Sisimiuni novembarip aappaaniit sisamaat 2007 ilanngullugu pikkorissarput.
Annonse
Pikkorissarneq pissarsiaqaataalluarpoq, aammali angajoqaarsiaalluni piginnaaffigisariaqartut suli arlaqarnerusut pikkorissaatigineqartarnissaat kissaatigineqarluni. Assersuutigalugu meeqqat tarnikkut ajoquserneqarsimasut qanoq ikiorneqarsinnaanerat, inatsisit sulinitsinnut tunngaviusut allallu pikkorissaatigineqartariaqarput.
Aamma ”imaajarneqartarnissap” supervision-ip pinngitsoorani neqeroorutigineqartarnissaa peqqussummi piumasaqaataasariaqartoq pikkorissartut isumaqarput.
Meeqqat 688-it nuna tamakkerlugu nalinginaasumik angajoqqaarsianut 2006-ip naalernerani inissinneqarsimasut, ilaqutariinnermut naalakkersuisumit ilisimatitsissutigineqaqqammerpoq.