Marø: - Qullersat akerliliinermut tunuliaqutaapput
Ilinniartitaanermut naalakkersuisup Tommy Marøp, Siumut, ippassaq unnukkut Qanaroomi Ilisimatusarfimmi qullersat pasillerpai universitetimi aqutsinermut inatsimmut nutaamut ilinniagaqartut akerliliinerannut tunuliaqutaanerarlugit.
- Maluginiagassarujussuuvoq Ilisimatusarfimmi ilinniagaqartut aatsaat kingusissorujussuakkut aqutsinermut inatsimmut nutaamut akerliunialernerat. Allaanngilaq universitetimi qullersat tamatumunnga tunuliaqutaasut, Tommy Marø oqarpoq.
Taamatut oqarneq rektor Ole Marquardtip eqqunngitsuunerarpaa ilinniagaqartullu tupatsinneqarput.
- Ilisimatusarfimmi ilinniagaqartut akerliussutsimik takutitsinissamik nalinginnaasumillu qisuariarnissamik Tommy Marøp Qanoruumi oqarnera ilinniagaqartut eqqunngitsuunerassavaat, Avijâja Absalonsen, Ilisimatusarfimmi ilinniagaqartuneersoq, allappoq.