Sumiginnakkanut immikkortortaq naalakkersuisut matuaat
Illu Paarsiviup Danmarkimi immikkoortortaa piaartumik matusariaqartoq Ilaqutariinnut Pisortaqarfik isumaqarpoq. Taamatut piumasaqartoqarnera paasiuminaatsinneqarpoq
Meeqqat sumiginnagaasimasut Kalaallit Nunaanni katsorsarneqartassapput.
Ilaqutariinnut Pisortaqarfik taamatut isumaqarpoq, taamaattumillu Illu Paarsiviup Qaqortumiittup immikkoortuata Jyllandip avannaani Dybvadimiittup matuneqarnissaa piumasaralugu. Illu Paarsivik ukiup ataatsip ingerlanerani qaammatit pingasukkuutaarlugit meeqqanik arlalinnik Dydvadimiititsisarsimavoq.
Taamaaliortarneq meeqqanik Danmarkimut inissiisarnermut naapertuuppoq. Iliuusaasinnaasunik allanik iluuseqartoqarsimatinnagu taamaaliortoqarsinnaasariaqanngilaq. Illu Paarsiviup pisortaata Tommy Hansenip namminersornerullutik oqartussat taamatut tunngavilersuinerarpai.
Taamaaliortarneq nammineq inissiinertut isiginagu »anitsiarnertulli« taajumaneruaa. Inissiisarfik pingaarneq Qaqortup illoqarfianiippoq, inuusuttulli suliffigineqarnerannut atatillugu Dybvadimi immikkoortoqarfimmiititsisoqartarpoq.
– Inissinnagit akerlianilli meeqqat anitsiarnissaannut periarfissittarpagut, Tommy Hansen oqarpoq.
Sermitsiami atuaruk...