USA kalaallit nerisassiaataannik usseerusupput
USA-mi inuiaat assigiinngitsorpassuunertik pissutigalugu nerisassianik assigiinngitsunik soqutigisaqartorujussuupput.
Nerisassiat tassaasuusariaqarput oqaluttuarisaanermik tunngaveqartut, taamaappat akii apeqqutaavallaartinneqarneq ajorlutik, Anders Klöcker Danskit USA-mi aallartitaqarfianeersoq KNR-mut oqarpoq.
Amerikami niuertarfissuaatilimmik immikkut nerisassianik niuertartumit attavigineqarsimavoq, nerisassianik nutaanik niuerutissaminnik ujartuinermi ikioqqullutik, Anders Klöckerillu Kalaallit Nunaat periarfissaqarsorilluarsimavaa.
USA-mi siunnersorti namminersortoq, John Roberts oqarpoq: Immikkut nerisassianik suliaqartuugama takusinnaavara nunamit asseqanngitsumit niuernissamik periarfissaqarluartoq. Nioqqutissiat amigarnavianngivipput naammattorsuarnik pisiniartoqarsinnaammat, John Roberts oqarpoq.
USA-mi nerisassiat nunarsuaq tamakkerlugu eqqunneqartut nerisaraagut. Kalaallit Nunaanni nerisassiat eqqutassatik immikkoortitserlugit pisiarinngikkaluarlugit amerikarmiunut soqutiginnarnerussaaq Kalaallit Nunaanni ileqqutoqqat sunillu iluatsitaqarsimanersi soqutiginerussavaat.
Nunanit 193-usunit nunat 70-100-it USA-mut nioqquteqartarput.