Meeqqat pillugit akerliussutsimik takutitsineq
Nuummi "Meeqqat pitsaanerusumik inuuneqalernissaannik Suleqatigiit" meeqqanut atugassarititaasut pitsaanerulersinniarlugit akerliussutsimik takutitsinermik aaqqissuussipput.
Akerliussutsimik takutitsineq nalunaaqutaq 15.30 aallartissaaq, tassuunakkut Kalaallit Nunaanni meeqqat inuunerat pitsaalerulersinniarlugu politikerit, qinersisartut angajoqqaallu nipituuliorfiginiarneqarput. Suleqatigiit naammagilerpaat Kalaallit Nunaanni meeqqat piitsuusut, meeqqat sumiginnakkat meeqqallu atornerlunneqartartut pillugit iliuuseqartoqanngippallaarnera.
Suleqatigiit atsiortitsiortuisimapput, tassunga 3445-t atsiorsimallutik. Atsiornerit inatsisartunut kommunenilu politikerinut nassiussuunneqassapput.
Nuummi akerliussutsimik takutitsineq Katuap eqqaaniit aallartissaaq, akerliussutsimik takutitsisut illoqarfikkooriarlutik inatsisartut illorsuaata silataani unissallutik.
Nanortalimmi, Narsami, Sisimiuni, Ilulissani, Qaqortumi Nuummilu akerliussutsimik takutitsisoqassaaq.