Meeqqat aqukkuminaatsutparnaarullugit

Meeqqanut inuussuttunullu ulloq unnuarlu inissiisarfiit illersugaasunik immikkoortortaqalernissaat naalakkersuisut qanillattulerpaat

Piviusuusaartitaq.

?Meeqqat inuusuttullu aqukkuminaatsut amerliartuinnarunarput.

Politiit ikioqqullutik taamatut Namminersornerullutik Oqartussanut saaffiginnipput. Inuusuttut pinerlunniartarlutillu, hashimik pujortartarlutillu peqqarniitsumik pissusilersortarput.

Inuusuttut suli 15-inik ukioqaleratik tamakkuninnga ajornartorsiuteqalersarput. Inuusuttut taamatut ukiullit isertitsisarfimmiinnissamut inuusuppallaartarput, sakkortoorujussuarmilli pissusilersortarmata ulloq unnuarlu inissiisarfinni sulisut artulersarpaat.

Taamaattumillu naalakkersuisut meeqqat inuusuttullu ikiorserneqartarnerannut peqqussut allanngortinnialerpaat. Allanngortitsinerup kingunerisaanik sulisut meeqqat angerlarsimaffiit avataannut inissinneqarsimasut sakkortuumik ppisinnaalissavaat.

Gitte Jul ilaqutariinnut pisortaqarfiup meeqqanut inuusuttunullu immikkoortoqarfiani pisortaasoq oqarpoq, nunatsinni ulloq unnuarlu inissiisarfiit ilaata, meeqqanut »piuminaatsunut« inissiiviusartup illersugaasumik, tassalu parnaartartumik, immikkoortortaqalernissaa allannguiniarnermi tunulequtaasoq. Immikkoortoqarfik taanna siullermik sisamanut inissaqarallassaaq.

Sermitsiaq atuaruk.

Powered by Labrador CMS