Oliekoorneq Nuup kangerluani uumasunik ajoqusiisinnaavoq
Kalallit Nunaanni Pinngortitaleriffiup Nuuk iluani Sermitsiap kangerluani oliekoornerup kingunerisai misissortussanngorpai.
Annonce
Air Greenlandip qulimiguuliutaataata ikummatissaq 700 liiteri pingasunngormat kangerlummut katappaa, Avatangiisinullu Piosrtaqarfiup ernummatigaa, tamanna uumasunut ajoquseerujussuarsinnaasoq, KNR ilisimatitsivoq.
Qulimiguulik qeqertamut Qingamut ingerlatillugu oliesivik katalluni nakkarpoq. Oliesivik imaanut tukkami qaarsimavoq, kingornalu olie kangerluup qinnguanut tipisimalluni.
Qulimiguulik teknikkikkut ajoquteqarsinnaaneranik nassaarfigineqanngilaq, taamaattumik Air mGreenlandip nalilerpaa, qulimiguulimmik aquttuusup tanki ajutuuallannikkut nakkartittoorsimassagaa.