Kalaallit Nunaat nunani avannarlerni nutaanik nerisassialiornermi unammeqataavoq
INUILI-p pisortaata Esben Toftdahlip tallimanngorpat paasissavaa unamminermi ajugaasimanerluni.
Nunani Avannarlerni nutaanik nerisassiullaqqinnerpaatut kina tallimanngorpat ajugaasimanersoq nersornaaserneqartussarlu paasineqassaaq.
Nersornaat 100.000 koruuninik aningaasaqartaqartoq Norgip nunalerinermut ministerianit Terje Riis-Johansenimit Oslomi oktobarip 30-ani tunniunneqassaaq.
Nuna avannarlerni iggarinnerpaat arfineq marluk nutaanik nerisassiullaqqinnerpaatut unammisussat ilagaat INUILI-ip Narsamiittup pisortaa Esben Toftdahl.
Esben Toftdahl Nanortalimmi Klamers Hotelip igaffiani 1980-mi pisortanngorpoq. Sakiata palasip Amandus Petrussenip kalaallit nerisassiaataannik nerisassiornissamut soqutigisaqalersissimavaa.
Kalaallit nerisassiaannut ajunngitsumik pisarnera isigisaqaneralu INUILI-mi igasunngortartut kingulliit, kalaallit nerisassiaannik nerisassiornissartik soqutigisorujussuaat.
Esben Toftdahl nunatsinni igasunut 2000-mi siullerpaamik pissartanngorniuutitsivoq, tamannalu ileqquliulluarneqarsimavoq. Pissartanngorniuunnermi kalaallit nerisassiaataat atorneqartarlutik.
Nerisassiat piuminartumik suliarineqarsinnaasut, peqqinnartut mamarluartullu, tassaavoq ”Nerisassat nutaat Nunani Avnnarlerni”-mi, kinaassutsimut ilisarnaataalluartutut nerisassioriaasimilu kulturerilersimasamut unammissutiginqartussaq.
Peqataasussat
Nunat Avannerlerni nutaamik nerisassiornissamut unammisussat arfineq marluk Nunat Avannarliit ministerrådiata nersornasiusassaanik unammillutik pisussatut uku innersuuneqarput.
Sverige: Ishotellet Jukkasjärvimi.
? Island: Fridrik V Brasserie Akureyrimi.
? Norge: »På Høyden« neriniartarfimmik Bergenimi piginnittoq, Hanne Frosta.
? Danmark: Læsø Saltsyderi.
? Finland: Nerisassiornermik aviisimi Viisi Tähteä-mi aaqqissuisut Neriasassiornermi
? Kalaallit Nunaat: Narsami INUILI-mi pisortaq Esben Toftdahl.
Åland: Skørdefesten Ålandip qeqertaani