Juliep tusarnaartitsinera nuannisarfiusoq
Isiginnaariat cd-mik saqqummersitaanit tamanit tusagaqarput, aammalu nipilersukkanut tusaamaneqarluartunut erinarsoqataasarlutik, soorlu »Every little part of me«.
tusarnaariat kalaallit qallunaallu utoqqasaajunerusut Julie Berthelsen nipilersortartuilu arfiniliiusut arfininngormat Katuap paarlersuani tikilluaqquaat. Nipilersorneq qulit missaanni aallartippoq nalunaaquttallu akunnerini tulliuttuni marlunni Juliep cd-mik saqqummersitaanitt pingasuusunit nipilersukkanit atuipput.
Isiginnaariat erinarsuutinut soorlu "Every little part of me" aamma "Completelly Fallen", Juliep cd-liaanit siullermeersunut arinarsoqataasarput. CD-liaa kingulleq "Time Traveller" aamma ilassilluarneqarpoq. Pattaanneqarnerpaaq pivoq Qullikkut cd-liaanni siullermi erinarsortoq Nina Kreutzmann nipilersorfimmut qaqimmat, ikinngutinilu Julie tulleeriillutik erinarsuut nuannersoq "Home" atorlugu. Misigisaq killitsinartoq taanna unnuk taanna nipilersornikkut misigisat nuannernersaraat.
Nipilersorneq "Asasara"-mik naggaserneqarpoq, erinarsuut Kunngissap Frederik-up Kunngissallu nuliata Maryp katinnerannut atatillugu suliarineqaqqaarsimasoq.
Erinarsuut nipaatsoq killitsinartorlu tusarnaartitsinermut qiimasaarfiusimasumut naggasiutigineqarpoq.