Ilisimatusarfissarsuarmi sungiusaammik sulisut marluinnaat
Ilisimatusarfissarsuup Ilimmarfiup, sananera 186 millioner koruuninik akillip, sananerani ilinniartut marluinnaat praktikkersimapput, taamatut paasissutissiivoq KNR.
Ilimmarfik sananeqarpoq qallunaat sanaartornermik ingerlatasiviannit Phil & Sønner-imit. Ingerlatsiviup oqaaseqartuata Bjørn Steffensonip oqaatigaa, sanaartornermi, katillugit 186 millioner koruuninik akeqartussami, marluinnarnik praktikkertoqarsimallutik.
– Sanaartornermut lærlinginik amerlanerusunik atorfinitsitserusukkaluarpugut, sanaartugarli ataasiinnaammat piffissaq sivikippallaaqaaq lærlinginik amerlanerusunik atorfinitsitsinissamut, Bjørn Steffenson radioavisimut oqarpoq.
Ilimmarfik ukiortaamiit atulissaaq.